Card image cap

ಕರಾವಳಿಯಲ್ಲಿ ಕಾಡುಪ್ರಾಣಿಗಳ ನಾಡು ಪ್ರವೇಶ : ಗ್ರಾಮಸ್ಥರು ಕಂಗಾಲು

ಹಿರಿಯಡಕ ಪಂಚನಬೆಟ್ಟುವಿನ ಕುಳೇದು ಪರಿಸರದಲ್ಲಿ ಕಾಟಿ ಹಾವಳಿ ಮಿತಿಮೀರಿದ್ದು ಜನರಲ್ಲಿ ಆತಂಕ ಮನೆಮಾಡಿದೆ.ಕಾಟಿಯೊಂದು ಕುಳೆದುವಿನ ರಾಧಾ ನಾಯಕ್‌ ಅವರ ಮನೆಯ ಹಸುವಿಗೆ ತಿವಿದು ಘಾಸಿ ಮಾಡಿದೆ.ಕಾಡಿನಲ್ಲಿ ಆಹಾರವಿಲ್ಲದೆ ನಾಡಿಗಿಳಿಯುತ್ತಿರುವ ಕಾಟಿ, ಹಂದಿ, ಮಂಗ, ನವಿಲಿನ ಬಾಧೆಯಿಂದ ಕೃಷಿಕರು ಕಂಗೆಟ್ಟು ಹೋಗಿದ್ದಾರೆ.ಕೃಷಿ ನಷ್ಟವಾಗುತ್ತಿದ್ದು ಸಾಲದಲ್ಲಿ ಮುಳುಗುವಂತಾಗಿದೆ. ಚಿರತೆಗಳ ಉಪಟಳವೂ ಇದ್ದು ಅಪಾಯದ ಸಾಧ್ಯತೆಯೂ ಇದೆ.ಕರಾವಳಿ ಮತ್ತು ಮಲೆನಾಡು ಪ್ರದೇಶದಲ್ಲಿ ಕಾಡಾನೆಗಳ ಹಾವಳಿಯೂ ಹೆಚ್ಚಾಗಿದೆ.

READ MORE:Udayavani
Card image cap

ಮರಳುಗಾರಿಕೆ ಬಗ್ಗೆ ಜಿಲ್ಲಾಧಿಕಾರಿಯವರಲ್ಲಿ ಚರ್ಚೆ : ಶಾಸಕ ರಘುಪತಿ ಭಟ್

ಕರಾವಳಿಯಲ್ಲಿ ಕಳೆದ ವರ್ಷದಿಂದ ನಡೆಯುತ್ತಿರುವ ಮರಳು ಚಳವಳಿಯ ಬಗ್ಗೆ ಸಕ್ರಮ ಮರಳುಗಾರಿಕೆಗೆ ರಚಿಸಿರುವ ಸಮಿತಿಯು ಉಡುಪಿಯ ಹೊಸ ಜಿಲ್ಲಾಧಿಕಾರಿ ಹೆಪ್ಸಿಬಾ ರಾಣಿ ಯವರನ್ನು ಭೇಟಿ ಮಾಡಿ ಈ ಮರಳು ಸಮಸ್ಯೆಯನ್ನು ಚರ್ಚಿಸಲು ನಿರ್ಧರಿಸಿದೆ.ಈ ಸಮಿತಿಯ ಮುಖ್ಯಸ್ಥರಾದ ರಘುಪತಿ ಭಟ್ ನೇತೃತ್ವದಲ್ಲಿ ಜಿಲ್ಲಾಧಿಕಾರಿಯವರನ್ನು ಭೇಟಿಮಾಡಲಿದೆ.ಕಳೆದ ವರ್ಷದಿಂದ ಉಡುಪಿಯಲ್ಲಿ ಸುಮಾರು ಟನ್ ಗಳ ಮರಳು ಅಗತ್ಯವಿದ್ದು ಮತ್ತು ವಶಪಡಿಸಿಕೊಂಡಿರುವ ಮರಳಿನ ಬಗ್ಗೆ ಚರ್ಚೆ ನಡೆಸಲಾಗುವುದು ಎಂದು ಸಮಿತಿ ಹೇಳಿದೆ.

READ MORE:Daijiworld
Card image cap

ಹಳ್ಳಹಿಡಿಯಲಿದೆಯೇ ಆಡಿಯೊ ಟೇಪ್ ವಿಚಾರಣೆ ; ಕೋರ್ಟ್ ಗೆ ಹೋಗಲು ಬಿಜೆಪಿ ನಿರ್ಧಾರ

ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ಅವರು ಅಕ್ರಮವಾಗಿ ಆಪರೇಷನ್ ಕಮಲದಲ್ಲಿ ತೊಡಗಿದ್ದಾರೆ ಎಂದು ಹೇಳಲಾಗುತ್ತಿರುವ ಆಡಿಯೊ ಟೇಪ್ ನ ಆರೋಪ, ಗದ್ದಲದಲ್ಲಿಯೇ 7 ದಿನಗಳ ಬಜೆಟ್ ಅಧಿವೇಶನ ಕಳೆದುಹೋಯಿತು.ಇದರ ತನಿಖೆಯನ್ನು ಮೈತ್ರಿ ಸರ್ಕಾರ ಎಸ್ಐಟಿ ತನಿಖೆಗೆ ವಹಿಸುವಂತೆ ಶಿಫಾರಸು ಮಾಡಿದ್ದು,ಸರ್ಕಾರದ ಮುಂದಿನ ನಡೆ ವಿಶೇಷ ತನಿಖಾ ತಂಡ ನೇಮಿಸುವುದು. ಆದರೆ ಬಿಜೆಪಿ ಇದಕ್ಕೆ ಅಸಹಕಾರ ತೋರಿಸಲು ನಿರ್ಧರಿಸಿದೆ.ಪಕ್ಷದ ನಾಯಕ ಬಿ ಎಸ್ ಯಡಿಯೂರಪ್ಪ ಅವರಿಗೆ ನೊಟೀಸ್ ನೀಡಿದರೂ ಸಹ ತನಿಖೆಗೆ ಹಾಜರಾಗದಿರಲು ಚಿಂತಿಸಿದ್ದಾರೆ.

READ MORE:Kannadaprabha
Card image cap

ಬಹುವರ್ಣಗಳಲಿ ಕಂಗೊಳಿಸಿದ ಪರಮ ಪಾವನ ಬಾಹುಬಲಿ

ಶ್ರೀ ಬಾಹುಬಲಿಯ ಮಹಾಮಸ್ತಕಾಭಿಷೇಕವು ಪ್ರತಿಷ್ಠಾಪಕ, ಧರ್ಮಸ್ಥಳ ಧರ್ಮಾಧಿಕಾರಿ ಡಾ| ವೀರೇಂದ್ರ ಹೆಗ್ಗಡೆಯವರ ನೇತೃತ್ವದಲ್ಲಿ ಫೆ. 16ರಂದು ಸಂಭ್ರಮದಿಂದ ಶುಭಾರಂಭಗೊಂಡಿತು.ಫೆ. 9ರಂದು ಧಾರ್ಮಿಕ ವಿಧಿ ವಿಧಾನಗಳೊಂದಿಗೆ ಆರಂಭಗೊಂಡ ಈ ಮಹಾ ಮಸ್ತಕಾಭಿಷೇಕ ಫೆ.18ರ ವರೆಗೆ ಜರಗಲಿದೆ.39 ಅಡಿ ಎತ್ತರದ ಬಾಹುಬಲಿಯು ಅಭಿಷೇಕದ ಕೊನೆಯ ಹಂತದಲ್ಲಿ ತನ್ನ ಗಾತ್ರದಷ್ಟೇ ಬೃಹತ್‌ ಪುಷ್ಪಮಾಲೆ ಧರಿಸಿ ರಾರಾಜಿಸಿದಾಗ ಬಹು ಭಕ್ತ ಭಾವುಕರು ಆನಂದ ಭಾಷ್ಪ ಸುರಿಸಿ, ಧನ್ಯತೆಯ ಕ್ಷಣಗಳನ್ನು ಅನುಭವಿಸಿದರು.

READ MORE:Kannadaprabha
Card image cap

ಪಾಕ್‌ ವಿರುದ್ಧ ವಿತ್ತ ವಾರ್‌

ಯೋಧರ ಮೇಲಿನ ಉಗ್ರರ ದಾಳಿ ಬಳಿಕ ಪಾಕ್‌ ವಿರುದ್ಧ ಭಾಗಶಃ ಸಿಡಿದೆದ್ದಿರುವ ಭಾರತ,"ಆರ್ಥಿಕ ಸಮರ"ವನ್ನೇ ಘೋಷಿಸಿದೆ.ಕೇಂದ್ರವು ಈಗ ಆ ದೇಶದಿಂದ ಆಮದಾಗುವ ಎಲ್ಲ ಸರಕುಗಳ ಮೇಲಿನ ಸುಂಕವನ್ನು ಶೇ.200ರಷ್ಟು ಹೆಚ್ಚಳ ಮಾಡಿ ದೊಡ್ಡ ಆಘಾತವನ್ನೇ ನೀಡಿದೆ.ತತ್‌ಕ್ಷಣದಿಂದಲೇ ಈ ಆದೇಶ ಜಾರಿಗೆ ಬರಲಿದೆ ಎಂದು ವಿತ್ತ ಸಚಿವ ಅರುಣ್‌ ಜೇಟ್ಲಿ ತಿಳಿಸಿದ್ದಾರೆ.2017-18ರಲ್ಲಿ ಪಾಕಿಸ್ಥಾನದಿಂದ 3,482 ಕೋಟಿ ರೂ.ಮೊತ್ತದ ಸರಕುಗಳನ್ನು ಆಮದು ಮಾಡಿಕೊಳ್ಳಲಾಗಿತ್ತು.

READ MORE:Udayavani
Card image cap

ಹುತಾತ್ಮ ಯೋಧ ಗುರು ಅಮರ್‌ ರಹೇ...

ಲಕ್ಷಾಂತರ ಮಂದಿಯ ಕಣ್ಣೀರಧಾರೆಯ ನಡುವೆ ದೇಶಕ್ಕಾಗಿ ಪ್ರಾಣತ್ಯಜಿಸಿದ ಹುತಾತ್ಮ ಯೋಧ,ರಾಜ್ಯದ ಹೆಮ್ಮೆಯ ಪುತ್ರ ಎಚ್‌.ಗುರು ಪಂಚಭೂತಗಳಲ್ಲಿ ಲೀನವಾದರು.ಗುರು ಅವರ ಅಂತ್ಯ ಸಂಸ್ಕಾರ ಸಕಲ ಸರ್ಕಾರಿ ಗೌರವಗಳೊಂದಿಗೆ ಶನಿವಾರ ರಾತ್ರಿ ಮದ್ದೂರು ತಾಲೂಕು ಮೆಳ್ಳಹಳ್ಳಿಯಲ್ಲಿ ಜರುಗಿತು.ಸಿಎಂ ಕುಮಾರಸ್ವಾಮಿ ಗುರು ಪತ್ನಿ ಕಲಾವತಿಗೆ ರಾಷ್ಟ್ರಧ್ವಜವನ್ನು ಹಸ್ತಾಂತರಿಸಿ, ಸ್ಥಳದಲ್ಲೇ 25 ಲಕ್ಷ ರೂ.ಗಳ ಚೆಕ್‌ ಅನ್ನು ವಿತರಣೆ ಮಾಡಿದರು.ಮೂರು ಸುತ್ತು ಕುಶಾಲತೋಪು ಸಿಡಿಸಿ ಪೊಲೀಸರು ವೀರ ಯೋಧನಿಗೆ ಗೌರವ ಸಲ್ಲಿಸಿದರು.

READ MORE:Udayavani
Card image cap

ಕೋಟ ಡಬಲ್ ಮರ್ಡರ್ : ರಾಘವೇಂದ್ರ ಕಾಂಚನ್ ಅವರನ್ನು ಬಿಜೆಪಿಯಿಂದ ಉಚ್ಚಾಟನೆ

ಕೋಟ ಡಬಲ್ ಮರ್ಡರ್ ಗೆ ಸಂಬಂಧಿಸಿದಂತೆ ಆರೋಪಿಯಾದ ಉಡುಪಿ ಬಿಜೆಪಿ ಕಾರ್ಯಕರ್ತ ರಾಘವೇಂದ್ರ ಕಾಂಚನ್ ಅವರನ್ನು ಪಕ್ಷದಿಂದ ಉಚ್ಛ್ತಿಸಲಾಗಿದೆ ಎಂದು ಉಡುಪಿ ಬಿಜೆಪಿ ಅಧ್ಯಕ್ಷ ಮತ್ತಾರು ರತ್ನಾಕರ ಹೆಗ್ಡೆ ಹೇಳಿದ್ದಾರೆ.ಚರಂಡಿ ವಿಷಯಕ್ಕೆ ನಡೆದ ಜಗಳವು ಎರಡು ಕೊಲೆಗೆ ಕಾರಣವಾಗಿತ್ತು.ಈ ಪ್ರಕರಣದಲ್ಲಿ ಸುಮಾರು 16 ಆರೋಪಿಗಳನ್ನು ಈಗಾಗಲೇ ಪೊಲೀಸರು ಬಂಧಿಸಿದ್ದಾರೆ.ಈ ಬಂಧಿತರಲ್ಲಿ ರಾಘವೇಂದ್ರ ಒಬ್ಬರು ಅಂಥ ಆರೋಪಿ ಸ್ಥಾನದಲ್ಲಿ ನಿಂತವರು ಪಕ್ಷದ ಒಳಿತಿಗಾಗಿ ಕೆಲಸ ಮಾಡಲಾರರು ಎನ್ನುವ ಕಾರಣಕ್ಕೆ ಅವರನ್ನು ಪಕ್ಷದಿಂದ ಕೈಬಿಡಲಾಗಿದೆ ಎಂದರು.

READ MORE:Daijiworld
Card image cap

ಮೈಸೂರಿನ ಸ್ಪಾದಲ್ಲಿ ಪೊಲೀಸ್ ರೈಡ್ : ಐವರು ಅರೆಸ್ಟ್

ಮೈಸೂರಿನ ಅತ್ಯಾಧುನಿಕ ಸ್ಪಾ(massage centre)ಒಂದರಲ್ಲಿ ಶುಕ್ರವಾರದಂದು ಪೊಲೀಸರು ದಾಳಿ ನಡೆಸಿ ಐದು ಜನರನ್ನು ಬಂಧಿಸಿದ್ದಾರೆ.ನಜರಾಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.ಮುಂಬೈ ಯ ಮಹಿಳೆ ಸೇರಿದಂತೆ ಒಟ್ಟು ಆರು ಮಹಿಳೆಯರನ್ನು ವಶಕ್ಕೆ ಪಡೆಯಲಾಗಿದೆ ಎಂದು ವರದಿಯಾಗಿದೆ.ಬಂಧಿತರನ್ನು ಹರೀಶ,ನಾರಾಯಣ,ಧೀರಜ್,ಅಶ್ವಥ್,ಮತ್ತು ಆಶಿಲ್ ಎಂದು ಗುರುತಿಸಲಾಗಿದೆ. ಬಂಧಿತರಿಂದ ಸುಮಾರು ಆರು ಸಾವಿರ ರೂ. ನಗದು ವಶಪಡಿಸಿಕೊಳ್ಳಲಾಗಿದೆ.ಸಿಸಿಬಿಯ ACP ಬಿ.ರ್.ಲಿಂಗಪ್ಪ ಅವರ ನೇತೃತ್ವದಲ್ಲಿ ದಾಳಿ ನಡೆಸಲಾಗಿತ್ತು ಎಂದು ವರದಿಯಾಗಿದೆ.

READ MORE:Daijiworld
Card image cap

ಮತ್ತೆ H1N1 ಮಹಾಮಾರಿಯ ಉಡುಪಿಗೆ ಆಗಮನ : ಈವರೆಗೆ 11 ಪ್ರಕರಣ ದಾಖಲು

ಕರಾವಳಿಯನ್ನು ಕಾಡುತ್ತಿದ್ದ ಮಂಗನ ಖಾಯಿಲೆ ದೂರವಾಗುತ್ತಿದ್ದಂತೆ ಎಚ್1ಎನ್1 ಭೀತಿ ಈಗ ಉಡುಪಿಯಲ್ಲಿ ಆವರಿಸಿದೆ.ಸರ್ವೇಯ ಪ್ರಕಾರ ಈ ವರ್ಷದ ಜ.1 ರಿಂದ ಫೆ.15ರವರೆಗೆ ಸುಮಾರು 11 ಎಚ್1ಎನ್1 ಖಾಯಿಲೆ ಪ್ರಕರಣಗಳು ದಾಖಲಾಗಿವೆ ಎನ್ನಲಾಗಿದೆ.ಆರೋಗ್ಯ ಸಮಿತಿಯು ಎಲ್ಲ ಕ್ರಮಗಳನ್ನು ಕೈಗೊಂಡಿದೆ ಮತ್ತು ಜನರು ಹೆದರಬೇಕಾದ ಅಗತ್ಯವಿಲ್ಲ ಎಂದಿದೆ.ಈ ಎಚ್1ಎನ್1 ಕಾಯಿಲೆಯು ಉಸಿರಾಟದಿಂದ ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತದೆ ಮತ್ತು ಈ ವೈರಾಣು ದೇಹದಲ್ಲಿ ಸೇರಿಕೊಂಡ ಮೇಲೆ ವಿಪರೀತ ಜ್ವರ ಮತ್ತು ಗಂಟಲು ನೋವು ಮೊದಲಾದವು ಕಾಣಿಸಿಕೊಳ್ಳುತ್ತವೆ.

READ MORE:Daijiworld
Card image cap

ಪುಲ್ವಾಮ ಭಯೋತ್ಪಾದಕ ದಾಳಿ ಸಂಬಂಧ 7 ಯುವಕರ ಹೆಡೆಮುರಿ ಕಟ್ಟಿದ ಪೊಲೀಸರು!

ಪುಲ್ವಾಮದಲ್ಲಿ ಪಾಕಿಸ್ತಾನದ ಜೈಶ್-ಎ-ಮೊಹಮ್ಮದ್ ಉಗ್ರ ಸಂಘಟನೆಯು ಸಿಆರ್ ಪಿಎಫ್ ಯೋಧರನ್ನು ಗುರಿಯಾಗಿರಿಸಿಕೊಂಡು ನಡೆಸಿರುವ ದಾಳಿಗೆ ಸಂಬಂಧಿಸಿದಂತೆ ಜಮ್ಮು-ಕಾಶ್ಮೀರ ಪೊಲೀಸರು 7 ಜನರನ್ನು ವಶಕ್ಕೆ ಪಡೆದಿದ್ದಾರೆ.ಯೋಧರನ್ನು ಗುರಿಯಾಗಿರಿಸಿಕೊಂಡು ನಡೆಸಿದ ದಾಳಿಯನ್ನು ಪಾಕಿಸ್ತಾನದ ವ್ಯಕ್ತಿ ಜೈಶ್-ಎ-ಮೊಹಮ್ಮದ್ ನ ಕಮ್ರಾನ್ ಎಂಬ ವ್ಯಕ್ತಿ ಯೋಜಿಸಿದ್ದಾನೆ.ಈತ ಪುಲ್ವಾಮ,ಅವಂತಿಪೊರ,ದಕ್ಷಿಣ ಕಾಶ್ಮೀರದ ತ್ರಾಲ್ ನಲ್ಲಿ ಸಂಚರಿಸುತ್ತಿರುತ್ತಾನೆ ಎಂದು ತಿಳಿದುಬಂದಿದೆ.ಈ ಕೃತ್ಯವನ್ನು ಟ್ರಾಲ್ ನ ಮಿಡೂರಾದಲ್ಲಿ ಯೋಜಿಸಲಾಗಿತ್ತು.

READ MORE:Kannadaprabha
Card image cap

ಉಗ್ರರ ದಾಳಿ ವಿರುದ್ಧ ಸಿಡಿದೆದ್ದ ಭಾರತ

ಒಂದೆಡೆ ತನ್ನ 44 ವೀರ ಕಂದಮ್ಮಗಳನ್ನು ಕಳೆದುಕೊಂಡ ಭಾರತ ಮಾತೆ ಕಣ್ಣೀರಿಡುತ್ತಿದ್ದರೆ,ಮತ್ತೂಂದೆಡೆ ಯೋಧರ ನೆತ್ತರು ಹರಿದಿರುವುದನ್ನು ನೋಡಿರುವ ದೇಶವಾಸಿಗಳ ರಕ್ತ ಕುದಿಯ ತೊಡಗಿದೆ.ಈ ಹೇಯ ಕೃತ್ಯವನ್ನು ಎಸಗಿರುವ ಪಾಕಿಸ್ಥಾನದ ವಿರುದ್ಧ ಪ್ರತೀಕಾರ ತೀರಿಸಲೇಬೇಕು ಎಂಬ ಆಗ್ರಹ ಎಲ್ಲೆಡೆಯಿಂದ ಕೇಳಿ ಬಂದಿದೆ.ಜನರ ಆಕ್ರೋಶಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರೂ ಸ್ಪಂದಿಸಿದ್ದು,ಯೋಧರ ಸಾವಿಗೆ ಪ್ರತೀಕಾರ ತೀರಿಸಿಯೇ ಸಿದ್ಧ ಎಂದು ಗುಡುಗಿದ್ದು,ಸೇನೆಗೆ ಪರಮಾಧಿಕಾರ ನೀಡಿರುವುದಾಗಿ ಘೋಷಿಸಿದ್ದಾರೆ.

READ MORE:Udayavani
Card image cap

ದಕ್ಷಿಣ ಭಾರತದ 11ನೇ ಕುಂಭಮೇಳ ನಾಳೆ ಆರಂಭ

ದಕ್ಷಿಣ ಭಾರತದ ಪುಣ್ಯನದಿಗಳಾದ ಕಾವೇರಿ,ಕಪಿಲ ಮತ್ತು ಸ್ಫಟಿಕ ಸರೋವರಗಳ ತ್ರಿವೇಣಿ ಸಂಗಮವಾದ ಮೈಸೂರು ಜಿಲ್ಲೆಯ ತಿ.ನರಸೀಪುರ ತಾಲೂಕಿನ ತಿರುಮಕೂಡಲು ಶ್ರೀಕ್ಷೇತ್ರದಲ್ಲಿ ಭಾನುವಾರದಿಂದ 3 ದಿನಗಳ ಕಾಲ 11ನೇ ಮಹಾ ಕುಂಭಮೇಳ ನಡೆಯಲಿದೆ.ಪ್ರತಿ 3 ವರ್ಷಗಳಿಗೊಮ್ಮೆ ನಡೆಸಿಕೊಂಡು ಬರಲಾಗುತ್ತಿದೆ.ದಕ್ಷಿಣ ಭಾರತದ ಈ ಕುಂಭಮೇಳದಲ್ಲಿ ದಕ್ಷಿಣ ಭಾರತದ ಎಲ್ಲ ಸಂತರು ಸೇರುವ ಸಾಧ್ಯತೆಗಳಿವೆ ಎನ್ನಲಾಗಿದೆ.ಗಂಗಾ ಪೂಜೆ ಮತ್ತು ದೀಪಾರತಿ ಸಂಪ್ರದಾಯದಂಥ ನಡೆಯಲಿದೆ ಎಂದು ವರದಿ ಹೇಳಿದೆ.

READ MORE:Udayavani
Card image cap

ತುರ್ತು ನಿರ್ಗಮನ ದ್ವಾರ ಲಾಕ್‌ ಆಗಿದ್ದರಿಂದ 17 ಮಂದಿಯ ಪ್ರಾಣ ಹೋಯ್ತು

ತುರ್ತು ನಿರ್ಗಮನ ದ್ವಾರ ಕಿರಿದಾಗಿದ್ದುದು ಮತ್ತು ಲಾಕ್‌ ಆಗಿದ್ದ ಕಾರಣ ಕರೋಲ್‌ ಬಾಗ್‌ನ ಅರ್ಪಿತ್‌ ಪ್ಯಾಲೇಸ್‌ ಹೊಟೇಲ್‌ನಲ್ಲಿ ನಿನ್ನೆ ನಡೆದ ಅಗ್ನಿ ದುರಂತದಲ್ಲಿ 17 ಮಂದಿ ಪ್ರಾಣ ಕಳೆದುಕೊಳ್ಳಬೇಕಾಯಿತು ಎಂದು ಕೇಂದ್ರದ ಪ್ರವಾಸೋದ್ಯಮ ಮತ್ತು ಸಂಸ್ಕೃತಿ ಖಾತೆಯ ರಾಜ್ಯ ಸಚಿವ ಕೆ.ಜೆ.ಅಲ್ಫಾನ್ಸ್‌ ಹೇಳಿಕೆ ನೀಡಿದ್ದಾರೆ.ಮೃತರ ಕುಟುಂಬಗಳಿಗೆ ದೆಹಲಿ ಸಿಎಂ ಕೇಜ್ರಿವಾಲ್‌ ಅವರು ತಲಾ 5 ಲಕ್ಷ ರೂ. ಪರಿಹಾರ ಘೋಷಿಸಿದ್ದಾರೆ.13 ಮೃತ ದೇಹಗಳ ಗುರುತು ಪತ್ತೆ ಹಚ್ಚಲಾಗಿದ್ದು,ಆಮ್ಲಜನಕದ ಕೊರತೆ ಪ್ರಾಣ ಕಳೆದುಕೊಂಡಿದ್ದಾರೆ.

READ MORE:Udayavani
Card image cap

ದಿಲ್ಲಿಯ ಪಶ್ಚಿಮ್‌ಪುರಿ ಕೊಳೆಗೇರಿಯಲ್ಲಿ ಬೆಂಕಿ: 200 ಗುಡಿಸಲು ಭಸ್ಮ

ರಾಷ್ಟ್ರ ರಾಜಧಾನಿಯ ಪಶ್ಚಿಮ್‌ ಪುರಿ ಪ್ರದೇಶದಲ್ಲಿನ ಕೊಳೆಗೇರಿಯಲ್ಲಿ ಇಂದು ನಸುಕಿನ ವೇಳೆ ಭಾರೀ ಬೆಂಕಿ ಕಾಣಿಸಿಕೊಂಡು ಸುಮಾರು 200 ಗುಡಿಸಲುಗಳು ಸುಟ್ಟು ಭಸ್ಮವಾದವು. ಬೆಂಕಿ ದುರಂತದ ಸುದ್ದಿ ತಿಳಿದೊಡನೆಯೇ ಕನಿಷ್ಠ 25 ಅಗ್ನಿ ಶಾಮಕಗಳು ಸ್ಥಳಕ್ಕೆ ಧಾವಿಸಿ ಬಂದು ಬೆಂಕಿ ನಂದಿಸುವ ಕಾರ್ಯಾಚರಣೆಯನ್ನು ಸಮರೋಪಾದಿಯಲ್ಲಿ ಕೈಗೊಂಡವು.ಆದರೆ ನೋಡನೋಡುತ್ತಲೇ 200 ಗುಡಿಸಲುಗಳು ಸುಟ್ಟು ಕರಕಲಾದವು.ಬೆಂಕಿ ದುರಂತದಲ್ಲಿ ಓರ್ವ ಮಹಿಳೆಗೆ ಗಾಯವಾಗಿದ್ದು ಆಕೆಯನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ.ಯಾವುದೇ ಜೀವಹಾನಿ ಸಂಭವಿಸಿಲ್ಲ.

READ MORE:Udayavani
Card image cap

ತಮ್ಮ 3.2 ಕೋಟಿ ರೂ. ಜೀವ ವಿಮೆಗಾಗಿ ಮತ್ತಿಬ್ಬರನ್ನು ಜೀವಂತ ಸುಟ್ಟರು!

ತನ್ನ ಹೆಸರಿನಲ್ಲಿದ್ದ 3.2 ಕೋಟಿ ರೂಪಾಯಿ ಇನ್ಸೂರೆನ್ಸ್ ಹಣ ಪಡೆಯುವ ನಿಟ್ಟಿನಲ್ಲಿ ಇಬ್ಬರನ್ನು ಕಾರಿನೊಳಗೆ ಕೂಡಿ ಹಾಕಿ ಜೀವಂತವಾಗಿ ಸುಟ್ಟು ಹಾಕಿರುವ ಆಘಾತಕಾರಿ ಘಟನೆ ಮಥುರಾದಲ್ಲಿ ನಡೆದಿದೆ.ಲಾಲಾರಾಮ್ (35) ಮತ್ತು ರೋಹ್ಟಾಶ್ (34) ಇಬ್ಬರು ಸೇರಿ ತಾವು ಸತ್ತಿರುವುದಾಗಿ ನಂಬಿಸಿ 3.2 ಕೋಟಿ ರೂಪಾಯಿ ಜೀವ ವಿಮೆಯನ್ನು ಪಡೆಯಲು 2 ಗೆಳೆಯರನ್ನು ಕಾರಿನೊಳಗೆ ಜೀವಂತವಾಗಿ ಸುಟ್ಟು ಬಿಟ್ಟಿದ್ದರು.ಮೃತದೇಹದ ಗುರುತು ಪತ್ತೆಯಾಗದಂತೆ ಮಾಡಿ ಜೀವ ವಿಮೆ ಪಡೆಯಬೇಕೆಂದು ಇಬ್ಬರು ಸಂಚು ರೂಪಿಸಿದ್ದರು.ಪೊಲೀಸರು ಪ್ರಕರಣವನ್ನು ಭೇದಿಸಿದ್ದಾರೆ

READ MORE:Udayavani
Card image cap

ನಾಲ್ಕು ದಿನಗಳ ಸೋಲಿಗೆ ಬ್ರೇಕ್‌: ಸೆನ್ಸೆಕ್ಸ್‌ 150 ಅಂಕ ಜಿಗಿತ

4 ದಿನಗಳಿಂದ ನಿರಂತರ ಸೋಲಿನ ಹಾದಿಯಲ್ಲಿ ಸಾಗಿಬಂದಿರುವ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಆರಂಭಿಕ ವಹಿವಾಟಿನಲ್ಲಿ 150ಕ್ಕೂ ಅಧಿಕ ಅಂಕಗಳ ಏರಿಕೆಯನ್ನು ದಾಖಲಿಸಿತು.ದೇಶದಲ್ಲಿನ ಹಣದುಬ್ಬರ ಕಡಿಮೆಯಾಗಿರುವುದು,ಬ್ಲೂ ಚಿಪ್‌ ಕಂಪೆನಿಗಳ ತ್ತೈಮಾಸಿಕ ಫ‌ಲಿತಾಂಶಗಳು ಆಶಾದಾಯಕವಾಗಿರುವುದು-ಇವೇ ಮೊದಲಾದ ಕಾರಣಗಳಿಗೆ ಮುಂಬಯಿ ಶೇರು ಪೇಟೆಯಲ್ಲಿ ತೇಜಿಯ ವಾತಾವರಣ ಕಂಡುಬಂತು.ಡಾಲರ್‌ ಎದುರಿನ ಆರಂಭಿಕ ವಹಿವಾಟಿನಲ್ಲಿಂದು ರೂಪಾಯಿ 26 ಪೈಸೆಗಳ ಉತ್ತಮ ಜಿಗಿತವನ್ನು ಸಾಧಿಸಿ 70.44 ರೂ.ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.

READ MORE:Udayavani
Card image cap

ಸೌಂಡ್ ಮಾಡುತ್ತಿದೆ "Men Will Be Men" ಯೂಟ್ಯೂಬ್ ಶಾರ್ಟ್ ಫಿಲಂ

ಪ್ರಸಕ್ತ ವರ್ತಮಾನದಲ್ಲಿ ಪ್ರೀತಿ ಪ್ರೇಮ ಸಹಜ ದೇಹದಲ್ಲೇ ಹುಟ್ಟಿ ಕೊಂಡುಬಂದಿರುತ್ತದೆ ಇದಕ್ಕೆ ಪೂರಕವಾಗಿ ಎನ್ನುವಂತೆ ಹಾಸ್ಯ ಪ್ರಮೋದವಾಗಿ ಸೆಲ್ಯೂಲಾಯ್ಡ್ ನಿರ್ಮಿಸಿರುವ "ಮೆನ್ ವಿಲ್ ಬಿ ಮೆನ್ " ಎನ್ನುವ ವಿಡಿಯೋ ತುಣುಕು ಬಹಳ ಸೊಗಸಾಗಿ ಮೂಡಿಬಂದಿದೆ.ಈ ಶಾರ್ಟ್ ಫಿಲಂ ಗೆ ಎಸ್ಪಿಎಲ್(SPL) ನಿರ್ದೇಶನ ಅಂತೆಯೇ ವಸ್ತ್ರಾಲಂಕಾರವನ್ನು ಸೌಮ್ಯ ಹಾಗೂ ಪರ್ಕಳದ ಬ್ರಾಹ್ಮರಿ ಸ್ಟುಡಿಯೋ ಡಬ್ಬಿಂಗ್ ಮಾಡಿದೆ.ಶಬ್ದ ವರ್ಣಿಕೆ ಶ್ರೀಶ ನಾಯಕ್ ಅವರು ಮಾಡಿದ್ದಾರೆ.ಯುವಕರು ನೋಡಲೇ ಬೇಕಾದ ಈ ವಿಡಿಯೋ ವನ್ನು ನೋಡಿ,ಶೇರ್ ಮಾಡಿರಿ.

READ MORE:Youtube
Card image cap

ಶಾಸಕ ಜಾಧವ್‌ ರಾಜೀನಾಮೆ? ಖರ್ಗೆ ವಿರುದ್ಧ ಸ್ಪರ್ಧಿಸಲು ಸಜ್ಜು

ಅತೃಪ್ತ ಚಿಂಚೋಳಿ ಶಾಸಕ ಡಾ| ಉಮೇಶ ಜಾಧವ್‌ ಕಾಂಗ್ರೆಸ್‌ ಪ್ರಾಥಮಿಕ ಸದಸ್ಯತ್ವ ಹಾಗೂ ಶಾಸಕ ಸ್ಥಾನಕ್ಕೆ ಶೀಘ್ರವೇ ರಾಜೀನಾಮೆ ನೀಡಿ ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ ಮಲ್ಲಿಕಾರ್ಜುನ ಖರ್ಗೆ ವಿರುದ್ದವೇ ಸ್ಪರ್ಧೆ ಮಾಡಲಿದ್ದಾರೆ ಎಂದು ಉಮೇಶ ಜಾಧವ ಅವರ ಸಹೋದರ ರಾಮಚಂದ್ರ ಜಾಧವ್‌ ಸ್ಪಷ್ಟಪಡಿಸಿದ್ದಾರೆ.ಇತರ ಅಪೃತ್ತ ಶಾಸಕರು ಕಾಂಗ್ರೆಸ್‌ ಬಿಟ್ಟರೂ,ಬಿಡದೆ ಇದ್ದರೂ ಸಹೋದರ ಉಮೇಶ ಮಾತ್ರ ಪಕ್ಷ ಬಿಡುವುದು ಖಚಿತ.ಕಲಬುರಗಿಯ ಸೇವಾಲಾಲ ಜಯಂತಿಯಲ್ಲಿ ಪಾಲ್ಗೊಳ್ಳುವ ಮೊದಲು ಅಥವಾ ನಂತರ ರಾಜೀನಾಮೆ ನೀಡುತ್ತಾರೆ ಎಂದಿದ್ದಾರೆ.

READ MORE:Udayavani
Card image cap

ಆಡಿಯೋ ವಿವಾದ : "ಅತ್ಯಾಚಾರ ಸಂತ್ರಸ್ತೆಯಂತಾಗಿದ್ದೇನೆ"-ಸ್ಪೀಕರ್‌ ರಮೇಶ್‌ ಕುಮಾರ್‌

"ಆಡಿಯೋ ಮೇಲಿನ ಚರ್ಚೆ ಅತ್ಯಾಚಾರಕ್ಕೊಳಗಾಗಿರುವ ಸಂತ್ರಸ್ತೆಯಂತಾಗಿದೆ ನನ್ನ ಕಥೆ" ಎಂದು ಸ್ಪೀಕರ್‌ ರಮೇಶ್‌ ಕುಮಾರ್‌ ವಿಧಾನಸಭೆಯಲ್ಲಿ ಹೇಳಿದ್ದಾರೆ.ಆಡಿಯೋ ತನಿಖೆಯನ್ನು ಯಾವ ಸಂಸ್ಥೆಗೆ ವಹಿಸಬೇಕು ಎನ್ನುವ ಕುರಿತು ನಡೆದ ಚರ್ಚೆ ಸಂದರ್ಭದಲ್ಲಿ ರಮೇಶ್‌ ಕುಮಾರ್‌, "ಟೇಪ್‌ನಲ್ಲಿ ಒಮ್ಮೆ ಹೆಸರು ಹೇಳಿ ಅತ್ಯಾಚಾರ ಮಾಡಿದವನು ಹೊರಗೆ ಹೋಗಿದ್ದಾನೆ. ಈಗ , ನೀವು ಎರಡೂ ಕಡೆಯವರು ನೀವು ಹಣ ಪಡೆದಿದ್ದೀರಿ, ಹಣ ಪಡೆದಿದ್ದೀರಿ ಎಂದು ಪದೇ ಪದೆ ಪ್ರಸ್ತಾಪ ಮಾಡುತ್ತಿರುವುದರಿಂದ ಉನ್ನತ ಮಟ್ಟದ ತನಿಖೆಯಾಗಲಿದೆ ಎಂದರು.

READ MORE:Udayavani
Card image cap

ಸಚಿವ ಪುಟ್ಟರಂಗ ಶೆಟ್ಟಿಗೆ ಎಸಿಬಿ ನೋಟಿಸ್‌

ವಿಧಾನಸೌಧ ಕಾರಿಡಾರ್‌ನಲ್ಲಿ ಟೈಪಿಸ್ಟ್‌ ಮೋಹನ್‌ಕುಮಾರ್‌ ಬಳಿ ದೊರೆತ 25.76 ಲಕ್ಷ ರೂ. ಪ್ರಕರಣ ಸಂಬಂಧ ಸಚಿವ ಸಿ.ಪುಟ್ಟರಂಗಶೆಟ್ಟಿಗೆ ವಿಚಾರಣೆಗೆ ಹಾಜರಾಗುವಂತೆ ಎಸಿಬಿ ನೋಟಿಸ್‌ ನೀಡಿದೆ.ಗುತ್ತಿಗೆದಾರರ ಕೆಲಸವನ್ನು ಮಾಡಿಕೊಡಲು 25.76 ಲಕ್ಷ ರೂ.ಗಳನ್ನು ಸಚಿವ ಪುಟ್ಟರಂಗ ಶೆಟ್ಟಿಗೆ ತಲುಪಿಸಲು ಹೋಗುವಾಗ ಪೊಲೀಸರಿಗೆ ಸಿಕ್ಕಿಬಿದ್ದೆ ಎಂದು ಆರೋಪಿ ಮೋಹನ್‌ ನೀಡಿರುವ ಹೇಳಿಕೆ ಹಿನ್ನೆಲೆಯಲ್ಲಿ ಸಚಿವರ ವಿಚಾರಣೆಗಾಗಿ ನೋಟಿಸ್‌ ನೀಡಿದ್ದು,ಸಚಿವರು ಸದ್ಯದಲ್ಲಿಯೇ ಹಾಜರಾಗಬೇಕು ಎಂದು ಎಸಿಬಿ ಆದೇಶಿಸಿದೆ.

READ MORE:Udayavani